Shirley's profile★Shirley's LaNd OnLiNe~☆PhotosBlogListsMore  |  Tools Help |
|
★Shirley's LaNd OnLiNe~☆As life goes on. I'm starting to learn more and more about responsibility .And I realize that everything I do is affecting the people around me.I'd like to take this time to apologize to things I have done, and things that haven't occured yet. December 03 lazy busy beauty遠足之後系原宿影嘅貼紙相~~
翻burger king必經嘅長命斜~~不過秋天好有FEEL~
個几月無些blog真系sorry...
呢段時間入面.一系就系無心情寫,無心情系指好多野煩果陣,真系煩到対住部電腦都煩...
一系就系無時間寫....
title嘅三個words就系我呢個几月嘅概括.
前一片日記我寫到我揾到份新工系六本木hills.but事與願違呢份工又系唔做得長時間嘅,所以対我呢D要靠打工錢生活嘅人真系好唔掂.
so我10月嘅后半期就半失業半揾工狀態....
到11月1號開始,我開始左系銀座居酒屋嘅工.其實我唔想去到黎屋企咁遠嘅地方做野咖,不過面試果陣話池袋店滿人,問我去唔去銀座,當時我又
急住揾錢,咁我米應承囉...不愧系居酒屋,居然一日可以比我做9個鐘!!雖然听上去好長時間,不過果度D人都対我好好,而且唔系好忙所以都唔系好辛苦,系
企得耐辛苦D姐~而且仲要包餐晚飯for free!!!超好~~han翻唔少錢啊~
而且果度唔知點解中國人勁多!!個個都黎左日本4.5年!!日文都超勁!!雖然語言上溝通有少少問題.(佢地多數東北人...) 不過人都好好.
D厨房阿叔都対我好好,成日買咖啡同朱古力比我吃~又成日偷偷地筴D送比我吃...再系咁落去唔知會唔會變肥..總體黎講都算唔錯嘅工~
唔記得講我系做調理輔佐....簡單黎講即系切肉切菜...整下D簡單嘅甜品之類...
講下我一直做緊嘅BURGER KING.最近新店開完一間又一間,真系可喜可賀~haha
唔知由幾時開始,自己覺得唔剩系爲左錢先做呢份工,而系想系工作期間所做嘅野都系爲間鋪好爲營業額好.唔系"系咁易"系"全力,百分百"咁去做野~
可能系因爲果度嘅人都対我好好,而家已經同大家都做左friend啦.不過....我决定左去神田店左啦.12月14號open!
之前我都講過同我好好嘅一個經理佢要調去神田,問我跟唔跟佢去.我當時都好猶豫,但系而家嘅店營業額無以前好,所以都做得唔多..
所以錢自然少左.同埋我想有新嘅艶遇!!hahaha.其實而家嘅店長又太情緒化...我中意嘅經理都走曬..所以我都想走...
神田嘅店長系系池袋實習過嘅經理,系個大聲公,而且有時羅唆左D,不過系個幾好嘅人.
系我提出走嘅果日.我翻到店入面,見到我大愛嘅肥頭dub耳經理,佢而家變左大粒野lu.系公司入面做野.好少見到佢,除非開新店.
等左成粒鐘,就系爲左同店長講我去神田做,講完之後,肥經理就話"EKI D日文進步左好多啊,系米啊"店長"系啊,岩岩入黎果陣連歡迎光臨都唔好意思講,而家
可以好大聲咁講出黎啦"講完一輪客套話之後我就走啦. 唸翻起真系好多謝burger king,系我日文唔好嘅期間請我做野,比左個好機會我練習日文.而且講第二次:佢地
真系対我好好!!!!i love burger king!!!
忙嘅時候都要注意身體,所以而家日日都有吃維他命.野菜片.之類嘅保健食品.維他命B対皮膚好好!!建議多豆豆嘅人吃,我吃左之後都無晒啦~
我吃嘅系FANCL.不過好似而家DHC仲流行...
11月22號.學校去左箱根遠足...兩個字概括"無聊"坐bus來回7個鐘.居然系箱根逗留嘅時間系2個鐘!!!!!超快,全程好似赶鴨仔咁赶!!
去完之後同frd去左原宿.影左貼紙相.
之後去左唱K!!!由9點半唱到next day am5:00!!!!我全部想唱嘅日本歌都差唔多唱晒.因爲都系唱日文歌,我個FRD默默咁陪左我成晚~好多謝佢.xoxox
聽日開始又系9個鐘啦.一到日都要返工.又唔知幾時有時間些野lu.sorry~~
i love u all.xoxoxo
PS:最近中意睇美劇"gossip girl"
中意sum 41嘅 WITH ME
中意EXILE入面嘅ATSUSHI.眼細細好鬼型好鬼Q.haha
中意seiko嘅lukia系列嘅一款表.要8万6....不過决定左買.努力中...
中意D可愛型嘅衫...
中意發e-mail...
遠足嘅相放住一張先.其他整左個相册.
隔離系我最近大愛嘅EXILE裏面嘅主音ATSUSHI!!!!超型仔!!!HOT!!!
作圖系我最近留意嘅牛郎"優士".右圖系無帶墨鏡嘅ATSUSHI!!!一樣咁型!!!可愛!!KYA~~~
細眼仔萬歲!!haha
準備買嘅表~~~ October 16 你地一日訓几個鐘呢? 我终于揾到第二份工啦~~yeah~
今次呢间系餐厅兼bar黎嘅,系六本木 hills~hehehe
http://www.roppongihills.com/cn/呢度系中文介绍,一句讲晒就系一个我觉得系好高级嘅地方啦~
出入都系外国人或者D阔太阔佬~哈哈
対我黎讲真系好大挑战咖,接待客人都要好讲礼貌,句句都要用敬语,...好烦...
不过我会努力嘅!!!
最近我觉得自己劲左好多咖啦,睡眠时间每日系6H,正当我好为自己自豪果阵,原来身边嘅人一早就已经好似我感咖啦.而且皮肤好过我...
我个班主任仲犀利!!!2点训5点45起身.!!!日日如是!!
真系好佩服日本D女仔,个个都好挨得!!我都要学佢地咁!!
好快又到秋天啦!好煩啊!無衫著!D衫勁貴啊!!唉.....
尋日出糧啦,終于!即刻同新黎嘅兩個同學去左新宿park tower睇夜景!!哈哈~自從weiming帶過我去一次之後,我已經迷上左果度啦,氣氛超正!夜景勁勁勁靚!!!
每次去完我都變得好有揾錢同讀書嘅動力,因爲只有有錢先去得起果D地方,我而家系一個個月先去一次,我要變到一個星期至少去一次果只,哈哈
而家訓教超犀利,唔洗三分鐘訓著!!坐電車果陣都系...5分鐘嘅車程都訓得著...
我嘅煮送水平又高左啦.哈哈哈
自從我系出面吃過一次お好み焼き(雜菜煎餅?!)之後我就勁中意啦,跟住即刻自己買野字迹拭下整!整出黎都几好吃,哈哈.個外表仲似十足添.HAHAHA
仲有我自己自創嘅芝士煎薯餅!勁好吃啊~~
PS:接近一個月前影嘅證件相.算系近照啦.覺得都影得幾好~hehe
攞去面試,成功嘅機會都好似高左~哈哈哈
dood night xoxoxxoxox
我覺得我煮野都几有天分咖~~ October 05 百感交杂..... 最近发生好多打击我嘅事.好烦啊....
weiming前日走左啦.我又变翻一支公対住四幅墙....多谢weiming几晚都陪我倾计,好耐都无试过讲得咁痛快啦~哈哈
教識左我好多,將我嘅生活危機感加強左唔少,hahaha.多謝你點醒我~
同weiming系東京玩嘅呢几日,真系好開心啊~多謝你請我吃左咁多好野,hahaha.(我自己肯定唔捨得吃)
D夀司真系勁好吃!!!不過我頂唔順D wasabi...吃到頭都痛埋..hahaha
番茄面!!!我都話好吃咖啦.哈哈.好采叫你去拭下咋,hehe.我果碗加左芝士嘅簡直系我嘅最愛啊!!!芝士啊~~~hahaha
最後果餐我地去吃左日本燒餅(唔知系唔系咁翻譯..)-_-.勁好吃啊!!!!!我覺得.
開頭果次因爲唔多識整所以搞到碎晒,不過跟住果次就整得勁靚!!hahaha
因爲太好吃嘅關係,我想自己拭下整,所以今日連麵粉都買埋啦~哈哈
系道想対挂住我嘅人,想我翻GZ嘅人講聲対唔住...我决定12月唔翻GZ改到3月15號,春假嘅時候翻.
因爲機票貴,自己又唔想用屋企人錢,而且自己又想買LV嘅關係....真系好対唔住大家....
我都好掛住你地咖,所以我唔系專登唔翻咖.
我决定左由今個月出糧開始存錢,到我2月8號生日果日,買我人生第一個LV,獎勵自己~!!!
生活几艱苦都好,我都要忍落去!!
而且仲要存買機票嘅錢翻GZ!!總共預計金額15万!!!一定要加油!!!
本來想同weiming趁HALLOWEEN去disney land咖,不過最衰時間唔夠啦..
今日同打工入面嘅一個几熟嘅女仔講起話我好想去disney land玩,不過無人陪我去咁..點知佢居然同我講"我地一齊去啊!?"咁~
嚇左我一跳,我無唸到佢會話同我去...不過我真系好高興可以有人陪我去玩下.所以我地就决定20號去啦~哈哈,好期待啊~
前兩日,返工嘅休息時間果陣,咁岩同我几FRD嘅果個韓國人又休息,于是我同佢坐埋一齊,佢就講起.對話如下;
韓:eki san,我最近識到男朋友啦.
我:下~?!真咖~!?系邉度識咖?日本人?
韓:嗯,系BURGER KING入面嘅人啊~(笑)
我:下~!!!!又系BK入面嘅人,今次又系邊個啊??(話比大家知,之前又有個同我几熟嘅韓國人,又系BK識到男朋友,而且果個男
我之前都対佢几有好感嘅...)shock!!
韓:系.野島,啊~
我:野島~!?!!!果個野島啊~?!!!!??
韓:嗯,系啊~HAHAHA
講到呢度,其實我個心好唔舒服咖...點講呢.果個叫野島嘅男仔其實個樣痲痲,但系份人幾好嘅,而且我一直都以爲我地有D曖昧關係咖..hahaha
所以听到佢同呢個韓國女仔一齊果陣我真系嚇左跳,都几大打擊...
我:哦.妳就好啦.咁講起,即系而家BK入面嘅韓國女仔都有晒男朋友啦.
韓:哦,系播~~真系喔.咁eki san你要加油先得啦~^_^
我:啊~~好寂寞啊...個個都有男朋友系得我無....
(我仲問左佢系邊個開口先嘅,佢話系男方,不過個女話一個月前已經対個男有意思咖啦.其實佢咁講,我唔多唔少都估到系佢比暗示個
男嘅先,所以個男覺得有把握先去同個女告白嘅,因爲以我所識嘅野島,佢份人系好怕醜嘅,所以我唔覺得佢會有呢個勇氣去咁做囉.
唉...不過一句講晒,我又少左個知己啦....以後同野島一齊做野果陣都唔可以太過界啦,話晒人地都有女朋友...)
呢個打擊之後,今日又有打擊啦!!!
前面我提到將我留意嘅果個日本男仔變成佢男朋友嘅果個韓國女仔,佢今日同我講話前幾日同佢男朋友去左DISNEY SEA玩...
跟住仲比相我睇....睇到我又妒忌又眼火爆...!!!成唸佢隔離果個系我就好啦.個男好可愛啊~咁...真系好羡慕啊....
佢仲話,當佢同個男講話明年三月可能會翻韓國果陣,個男仲眼濕濕咁同佢講話會好唔捨得佢走添啊~......唉...真系好好嘅男朋友啊...
點解我就無呢個福份呢...好想有個正常嘅邂逅,識到一個対自己好嘅男仔~~唉....対我黎講真系好遙遠...聖誕節同生日我唸都會系一個人過咖啦....悲哀...
又寫到咁長篇添~~多謝你地睇我嘅日記啊~~
GOOD NIGHT XOXOXOXO September 25 一個月非人生活之後.... 8月28號,由我搬入新屋開始~就開始我漫長嘅艱苦生活了.
雖然開始自己一個住好開心,但系每個月嘅租金同水電煤氣費,網費.生活費...真系唸起就頭痛...
之前我話左比大家听我去洗碗有1200yen一個鐘...不過我做左四日就無做了,,,其實唔系我唔挨得,,而系呢份工真系
做死人!!5個鐘不停咁洗啊抹啊,D碟系個洗碗機出黎果陣成60几度高溫,要你即刻攞起身抹,抹完要將佢地放好,D碟最大果只可能有
3斤几重!!次次放工個人好似升仙咁...行路都無力了...而且一日有兩份工要打,又要翻學...所以我一日剩系訓4個鐘!!!!!
每日都要飲營養補充劑黎維持生命!!咁大個人都未試過咁辛苦咖!!!第一次打工打到想喊~~(而家唸起都眼濕濕.555~)
就系咁樣,四日之後我就無做呢份工啦...但系無左份工我又無左份收入,D生活費點算呢~?!
其實與其話生活費倒不如話系我買野嘅錢.其實我而家做緊嘅快餐店一個月嘅糧都夠我生活嘅,但系如果要買衫啊鞋啊化妝品啊果D就完全
唔夠囉!!大家都知啦,我唔吃都要著得好咖嘛!如果叫我唔買衫我就無左生存意義咖啦!!
so辭左份洗碗嘅工之後嘅果個星期我又開始揾工了~(真系好煩揾工...)
我如果真系揾唔到工嘅情况下,我先會選擇去居酒屋做,因爲我唔想日日対住D又烟又酒嘅地方~
而且我好想去做coffe shop嘅工,so我就抱住一絲希望去coffe shop面試.我爲左呢次面試仲專登去影左新嘅證件相.
比我預期嘅靚~哈哈哈
面試后嘅感覺好難形容,都唔知得定唔得,佢話如果星期日之前收唔到電話就證明你唔得喔,咁我米等囉.
等到星期5,我都仲未收到電話,跟住我就覺得我多數都唔得咖啦,so我好唔願意咁去揾居酒屋嘅工,點知,果間咁嘅連鎖居酒屋
話我黎日本嘅時間短,唔收我喔!!激死!跟住之後因爲系三日連休嘅關係我暫時無去揾工,唸住過左之後再揾~
高一嘅時候移民左去USA嘅同學話黎日本玩,so我星期六日都請左假陪佢.
佢黎到嘅第二晚我地先見面.我去左佢住嘅酒店玩.第一次去日本嘅酒店.感想就系"勁靚"!!听weiming講話唔系最靚嘅HOTEL不過
我覺得已經好靚啦~跟住沖凉果陣用酒店嘅body soap,嘩!!香到死啊!!!!勁中意啊!!!好似D男士古龍水咁啊!!超中意!!!!
果晚我地傾到4點先訓教~hahaha
到左第二日.weiming話帶我去六本木嘅bar飲野,佢話好貴喔,不過因爲系佢比錢,所以我緊系要跟住去啦,hahaha
其實應該系我帶佢去玩嘅,點知系佢帶翻我轉頭,haha~
果間酒吧陣系好HIGH CLASS,我完全無唸過我會黎呢种地方飲野!!一坐低望左下周圍D人,全場最細個系我地兩個!!!其他都睇上去25以上嘅OL同鬼佬!!!坐系果度真系好唔自在,好似同自己格格不入咁,不過感覺成個人都high class左咁~hahahaha
系果度居然咁岩撞到weiming個老闆喔,真系好橋~
飲完之後我地赶到尾班車翻屋企啦~~
第三日我地起身之後,我地就去左原宿行街,本來帶人行嘅我變左人地陪我行~hahaha
不過因爲無錢,真系得個行,我地仲去左LV度睇荷包添,因爲weiming話想買.不過到最後佢都系决定翻USA買~
我地系原宿吃左章魚燒同グレープ~好滿足啊~hahaha
行完之後,weiming話帶我去新宿嘅一個地方,佢死都唔肯講新宿嘅邉度,我唯有跟住佢行,但系新宿出晒名複雜嘅,所以我好惊
會蕩失路,不過佢死話認得點行,所以我都無乜點出聲,一路行一路見到D好靚好高嘅building,我黎左都差唔多半年了,而家先第一次見到.
行行下,我地行左入去一棟好靚嘅building入面,跟住搭電梯,上到42樓,一開門...我成個人呆左.......惊靚!!!!!!!氣氛勁正!!!!!!!!!!!!
如果系BF帶我黎呢度嘅話,,我肯定LUM死!!!!!
跟住我地再搭多次電梯上到52樓,一開門就系落地玻璃,出面嘅夜景一覽無遺!!!!!!!!!好靚啊!!!!!!!!!!!!!!!!!!!!!!!!!靚到想喊!!!!!!
黎左咁耐第一次黎到呢种咁靚嘅地方,睇到咁靚嘅夜景!!!!!!!
跟住weiming幫我叫左杯cocktail,系前晚系新宿飲嘅果杯,但系唔知點解飲落去濃好多...
呢間bar7點后就要收入場費2000yen.so我地飲完之後影完相就走啦~~無理由無端端洗多4千yen咖
跟住我地翻翻去地鐵站搭地鐵去池袋.池袋系我地頭,我真系好想帶weiming去行下,but因爲日本D商店都好早收,so我地8點左右
去到池袋好多店都關左啦.不過果間hello kitty專賣店仲開緊,而佢又中意果只咩little twin stars so佢系入面又買左唔少佢地嘅周邊.
跟住我地去左松屋吃晚飯,雖然平平地但系都算系日本特色之一啊~~imo.哈哈哈
跟住再系池袋行翻我屋企~系啦!!唔記得話比大家知,因爲我要han錢,so我而家放工都系行路翻屋企嘅.大概15分鐘就翻到咖啦~
翻到屋企附近.我唸都無唸到,我居然接到之前果間去面試嘅coffe shop打黎嘅電話,話我被采用!!!!!!!!!!!!!!超開心啊!!!!我pass左啊!!!
終于有錢買衫啦!!!!!yeah!!!!跟住行行下仲比我地發現左原來我屋企附近有間食品批發店,D冰鮮肉勁平!!!鶏肉仲有15% off添!!!
越黎越覺得我住嘅地方好方便~哈哈哈
今日weiming去左京都,繼續佢嘅玩轉日本之旅,希望佢have a good time啦~不過我地隨時都可以電話聯絡嘅.
我今日就開始翻工啦.一如既往嘅得閑.今晚系晚飯系BURGER KING買嘅テリヤキwopper plus bacon pius cheese.hahaha
好味!!!等我下次又試下其他吃法先`~hehehe
寫得長過頭添...不過我唸都系得自己睇嘅姐~~
ps:系酒店我秤過我嘅體重系41.5公斤..yeah!!無肥到而且瘦左添!!!又話黎日本嘅女都會肥,好采我無姐~~
一個月無更新,要対睇我spaces嘅人講sorry~~我下次唔會咁懶咖啦~~
good night~xoxoxoxoxoxo
以下送上weiming影嘅相~enjoy~ August 26 jesus lifehouse 5th anniversary!!今日系JESUS LIFEHOUSE成立5周年,雖然我先系岩岩加入無耐,不過都被邀請參加今次party~
教會嘅朋友仲借左浴衣比我著添~hahaha.
雖然只色唔系好襯我,不過好過無得著啊,不過真系好辛苦,呼吸困難啊....坐都唔自在....
兩個鐘之後就完滿結束啦~雖然佢地講D野剩系听得明7成左右,不過都算几好玩嘅,一齊唱歌講野咁~~~
仲同教會嘅朋友影左相添~
August 24 Sorry, Blame It On MeMAMA
i love u so much.i will show u im a good son.
i love u with all my heart .
呢段系AKON嘅Sorry, Blame It On Me嘅開頭對白~
好touching,都系好嘅心聲~
MAMA対唔住.搞到你几日訓唔著~
不過I'm starting to learn more and more about responsibility
And I realize that everything I do is affecting the people around me I'd like to take this time to apologize to things I have done, and things that haven't occured yet. And things they don't want to take responsibility for.
好有意義嘅一首歌.大家都不妨听听~
講個好消息大家知.我28號就搬啦~YEAH
開始自己一個人住啦.離開左朋友(雖然系日本無乜朋友).
雖然會有時覺得寂寞,不過我唔會認輸嘅,而家最緊要就系讀書同揾錢!!!!!
9月開始我就要開始一日只訓5小時嘅生活啦.不過都有D期待.因爲日日都會好充實咁過~
而且可以識到好多新朋友,可以練日文~~而且一個月有20万~~~哈哈哈
雖然唔知呢种生活系唔系我想要嘅,but anyway總算脫離左以前嘅生活方式~
I've got to move on and be who I am
I just don't belong here I hope you understand We might find our place in this world someday But at least for now I gotta go my own away 以上呢段系出自High School Musical 2嘅Gotta Go My Own Way. High School Musical 2呢只碟入面有好多我中意嘅歌,歌詞都好正~~disney出品果然唔同,推薦啊~!!!
今日系星期五,終于算有D時間寫日記.
聽日下唔要返工.星期日去教會嘅5周年party~~好期待啊~哈哈哈
see u guys~
good night August 15 lucky day 今日朝早,正当我被恶梦缠绕嘅时候,突然有个电话吵醒左我.
原来呢个电话系寻日去面试嘅店打电话黎话我录取左!!!!超高兴!!!!!
因为时给有1200yen啊!!!超高啊!!!所以以后我一个月就可以有20万啦!!可以应付到屋租.生活费同埋存翻D读大学~~
真系好开心~~同埋觉得自己终于可以讲系日本安定落黎.揾到自己嘅目标.唔会再迷失自我.
知道自己真正想要D咩..唔会再怕寂寞.唔会再去六本木.
我今次真系真系识唸咖啦~~
下次再講啦~~BYE BYE
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
|
